咁多位朋友，祝：
大貓以５.８ｋｇ嘅體重番去驗血，報告出來，Dr. Sam話：好靚﹗
貧血：冇啦﹗腎衰竭：變番正常啦﹗係磷低啲，但係因為Renal糧係低磷嘅，所以係正常嘅。
太好嘞～唔怪得隻衰嘢最近唔多願食Renal Essential啦，唔知係咪因為知道自己好番咁多呢？
其實大貓食嘢都好小心，而家係全食Renal食品, Renal 乾, 濕糧, 每日食一小匙Lysine, 兩粒Renal Essential。一個月食七日Azodyl，仲有飲水係飲加咗Em-X嘅酵素水。
希望下次驗血時連中間嗰一隔都去番中位數咁就為之perfect嘞﹗
唯一聽倒嘅壞消息就係：如果再重嘅話，就要減肥咯.... 而家都係每日都只係食35g乾糧同兩匙濕糧咋....係，我認有時見佢夜晚食哂啲糧望兜都會比多幾粒；如果再減糧就真係日日都飢饉24，好慘架。
嗱大貓，記住要爭氣啲，唔好食咁多嘞，OK?
